LAOAG CITY – Naipaayan ti gift pack dagiti 50 a garbage collectors ken 2 nga street sweeper babaen ti gobierno lokal ditoy ciudad ti Laoag.
Naiyawat dagiti regalo kadagiti maseknan a resipiente iti Laoag City Auditorium iti panangidaulo Mayor Michael Marcos-Keon.
Naamoan a dagiti naibunong a gift packs ket indonar dagiti agasawa a da Mr. Dennis Salazar ken ni Dr. Vita Salazar, kaduada ti balasangda a ni Ms. Mira Salazar ti Brgy. 23, San Matias ditoy ciudad.
Daytoyen ti maikapat a tawen a mangipapaay ti regalo ti pamilya Salazar para kadagiti garbage collectors ken street sweepers ditoy ciudad ti Laoag.
Napili ti pamilya nga ipaayan ti regalo dagiti garbage collectors ken street sweeper ditoy ciudad kas panangbigbig da ti serbisyo dagiti maseknan tapno agtalinaed a nadalos dagiti kalsada ken maikabil dagiti basura iti rumbeng a pakaibellengan da.
Malaksid kadagiti gift packs, nangipaay pay ti sinako a bagas ken adda pay ti raffle draw nga indaulwan met ni Engr. Manuel Aurelio iti City Engineering Office.
