LAOAG CITY – Kinumpiramran ni P/Lt. Col. Marlouise Bondoc ti Provincial Mobile Force Company iti Ilocos Norte Police Provincial Office a nakasagana ti 50 a kakadua nga agserbi nga Augmentation Force kadagiti apektado iti panagputok ti Taal volcano idiay Batangas.
Segun kenni Bondoc, nakaawat da ti pammilin manipud iti higher office ti PNP a mangpili iti mabalin nga agserbi nga augmentation force idiay Batangas.
Malaksid ti PMFC, adda pay dagiti kameng ti PNP manipod kadagiti nagduduma a pulisya ditoy probinsya a kadwa da nga agturong iti nasao a probinsya iti kabiitan a panawen.
Nupay kasta, kunana a maiyur-uray laengen ti pammilin iti higher office sakbay da nga agbyahe nga agturong idiay Batangas.
