LAOAG CITY – Manarimaan ti imbestigasyon dagiti otoridad iti agtawen ti 17 a lalaki a suspek iti panagpabettak iti maysa a moske idiay Indonesia a nakasugatan ti nasurok 50 a tattao.
Napasamak ti panagbettak iti uneg ti school complex nga isu ti ayan ti mosque iti Kelapa Gading – maysa a distrito iti Jakarta.
Segun kenni to Indonesia’s police chief, Listyo Sigit Prabowo, kaadoan kadagiti biktima ket agad-adal a nagsagaba ti pannakauram iti bagi da.
Inbatad na a karaman kadagiti imbestigaren da ket no kasano a naaramid ti agtawen ti 17 ti nasaoa panagatake.
Mainaig iti daytoy, naideploy metten ti bomb disposal team iti nakapasamakan ti panagpabettak tapno agkolektar kadagiti mabalin nga ebidensya.
Kabayatanna, adda ti impormasyon nga adda ti gimmatang nga agad-adal ti bomba ken daytoy ket maipagarop a kanayon a mabully iti pagadalan da.
Malaksid iti daytoy, inbatad pay dagiti dadduma nga estudyante a ti suspek ket maibilang a “loner” ken kanayon nga adda ti drawing na mainaig iti kinadamsak.
