LAOAG CITY – Umabot iti 500 a doses ti Astrazenca vaccine ken nasurok 200 a doses ti Sinovac vaccine ti simmangpet ditoy probinsya.
Segun kenni Dr. Rogelio Balbag, ti provincial health consultant, 46 vials ti maited iti Mariano Marcos Memorial Hospital and Medical Center iti ciudad ti Batac ken sagdudua a vials iti Gov. Roque Ablan Senior Memorial Hospital ken Laoag City General Hospital.
Naamoan a ti dua a vials ket para kadagiti 20 a tattao a mabakunaan.
Mangrugi met intono bigat ti vaccine rollout ti Astrazeneca vaccine kadagiti nadakamat nga ospital.
Kabayatanna, agtultuloy met ti vaccine rollout kadagiti healthcare workers kadagiti District Hospital ken agpatingga daytoy intono bigat.
