LAOAG CITY – Dumanon iti 500 a ribu a pisos ti balor dagiti naipaay a Livelihood Assistance Sustainable Program kadagiti nagduduma a grupo ken barangay ditoy siudad ti Laoag.
Segun ken Ms. Amelia Galvez, Provincial Director ti Department of Trade and Industry, daytoy a programa ket tapno mapapintas, mapaiyalisto ken mapagbalin a nadalos ti produksion dagiti Laoageño.
Inbatadna a dagiti kangrunaan a nabenepisiaran ket dagiti agar-aramid ti coconut shell craft iti ili ti Pagudpud, dried mango ken dadduma pay.
Inlawlawagna a naiget ti pannakamonitor dagiti maseknan a benepisiario iti kada bulan.
Babaen iti daytoy, kunana a makita a naimbag ti panagdur-as ti operasion ken dagus a maammoan dagiti masapol a masolbar a problema.
