LAOAG CITY – Inpasingked ni Police Sr. Supt. Jose Melencio Nartatez Jr, provincial director ti PNP a maala ti gunguna nga umabot ti 50 a ribo a pisos no mapilaan ti kaso babaen dagiti ebidensya dagiti matiliwan nga agusar ti illegal a paputok iti panangsarabu ti baro a tawen.
Kuna na a nasaysayaat no ballaygi a mapilaan dagiti maseknan a matiliw ti kaso.
Mainaig iti daytoy, naiget met ti panagsursur dagiti kameng ti PNP kadagiti lugar a naituding a paglakuan ti paputok.
Inlawlawag ni Nartatez a matiliw latta ti maseknan nga aglaklako ti paputok uray addaan daytoy ti lisensya no adda iti saan nga umiso a lugar a paglakuan.
Innayon na nga awan pay ti natiliwan da a naglako ti paputok.
