LAOAG CITY – Umabot iti 51 a Palestinians ti pinatay ti Israeli forces kabayatan ti pannakaibunong dagiti taraon iti Southern Gaza.
Basar kadagiti testigo, nagpalto-paltog dagiti tropa ti Israel iti asideg ti aid site iti Khan Younis a nakatamaan dagiti naruay a Palestinians.
Malaksid kadagiti natay ket nasurok a 200 a sabsabali pay dagiti nasugatan iti insidente.
Mainaig iti daytoy, inrakurak ti Israeli military nga imbestigaren da ti nasao a report.
