LAOAG CITY – Ibilang ni Mr. Herdy Yumol, sociologist ken professor iti Mariano Marcos State University (MMSU) iti ciudad ti Batac nga “over acting” wenno OA ti nagbalin a lungalong ni PDEA Chief Aaron Aquino a maipadalan ti mandatory drug testing dagiti estudyante nga agtawen ti 10 agpangato.
Inpetteng na a naipalaon iti Republic Act 9165 ket dagiti laeng high school ti kaubingan a mabalin a maipadalan ti drug test.
Innayon na a maysa a pakaseknan na ket ti possible a panagpasar ti psychological trauma dagiti ubbing gapu iti pannakaipadalan kadakuada ti drug test.
Gaput ti daytoy, kuna ni Yumol a masapol a maamendaran pay laeng ti nasao a paglintegan sakbay a maipursige ti kalikagom ti gobierno kangrunaan na ti PDEA chief.
Nagpangta ni Yumol a mabalin a makasoan dagiti maseknan no ipatungpal da itan ti nasao nga addang.
Kabayatanna, inbatad ni Yumol a pabor daytoy no amin a mangisursuro iti Department of Education (DepEd) ket maipa-drug test.
