LAOAG CITY – Nanayunan ti 55 a baro a kaso ti covid-19 ditoy probinsya ken 22 kadagitoy ket taga ditoy ciudad ti Laoag.
Nairekord met ti 10 a baro a kaso ti covid-19 iti ili ti Bacarra, saggiinnem iti ili ti San Nicolas ken Currimao, uppat iti ili ti Sarrat, sagdudua iti ili ti Adams ken Badoc ken saggaysa iti ili ti Pasuquin, Bangui ken Dingras.
Iti agdama, addan ti pakabuklan a 2482 a kaso ti covid-19 ditoy probinsya no sadinno a 417 ti active cases; 2036 recoveries kalpasan a nanayunan ti 12 ti baro a nakarekobre ken nagtalinaed a 29 dagiti pimmusay.
