LAOAG CITY – Nagpositibo iti COVID-19 dagiti 55 a residente iti sumagmamano nga ili ken siudad ditoy probinsya.
Basar iti datus ti gobyerno probinsyal, 18 dagiti nainayun nga aktibo a kaso iti ili ti San Nicolas, sumaruno ditoy siudad ti Laoag nga addaan iti 13 a baro a kaso, maikatlo iti siudad ti Batac nga addaan iti 6 nga baro a kaso, uppat iti ili ti Dingras, tallo iti ili ti Sarrat, sagdudua iti ili ti Paoay, Badoc ken Solsona ken ken saggagaysa ti kaso iti ili ti Bacarra, Currimao, Bangui, Pagudpud ken Pinili.
Kaaduan kadagiti baro a nagpositibo ket agtrabtrabaho kas customer service representative.
Gapu iti daytoy, umaboten iti 1773 ti kaso ti COVID-19 ditoy probinsya nga addaan iti 471 active cases.
Nalaingan met dagiti 18 a pasyente manipud iti nasoa a virus rason nga umaboten iti 1290 ti recoveries idinto a nagtalinaed a 12 dagiti pimmusay.
Nagtalinaed a kaaduan ti active cases ditoy siudad ti Laoag nga umabot iti 116 dagiti nakaquarantine, sumaruno iti ili ti San Nicolas nga addaan iti 106 active cases, 76 iti ili ti Dingras, 46 iti ili ti Bacarra, 38 iti siudad ti Batac, 13 iti ili ti Banna ken agpada a 10 iti ili ti Pasuquin ken Vintar.
