LAOAG CITY – Agarop 55 a presinto ti isagsagana ti Commission on Elections (Comelec) idiay ciudad ti Batac para iti 2019 midterm election.
Daytoy ti inbatad ni Atty. Josephine Balbas, ti comelec officer iti nasao a ciudad.
Segun kenni Balbas, tallo nga indibidwal ti nakasaganan nga agserbi kas electoral board a mangbantay kadagiti botante.
Inbatad na a ti Barangay Baay ti kaadoan a presinto a nakadesignar gapo iti nangato a voting population a nasurok 2,300 a botante.
Naamoan a ti rehistrado a bontante iti nasao a ciudad ket nasurok a 37 a ribo para iti 2019 midterm election.
