LAOAG CITY – Umabot iti 56 a tattao ti natay kalpasan ti napasamak nga stampede iti football match iti Nzérékoré, ti maikadwa a kadakkelan a ciudad iti Guinea.
Basar iti report, napasamak ti stampede kalpasan ti nagbalin a desisyon ti referee a nangpapanaw kadagiti dua nga umaayam manipod iti bisita laeng a team.
Gapu iti napasamak, inbilin ni Prime Minister Oury Bah ti pannakaimbestigar a nasayaat ti insidente nga ibilang na kas trahedya kagiddan ti panangidanun na ti pannakipagladingit na iti pamilya dagiti napukawan ti ipatpateg ti biag.
Inpasigurado pay ti prime minister a mapagsungbat dagiti responsable iti napasamak.
