LAOAG CITY – Nairekord ti 56 a baro a kaso ti COVID-19 idinto a 24 dagiti nagimbag ditoy probinsya.
Basar iti datus, agpada a 13 ti baro a kaso ditoy siudad ti Laoag ken iti ili ti San Nicolas, 10 iti ili ti Bangui, agpada nga uppat iti Burgos ken Pasuquin, sagtatallo iti ili ti Sarrat, VIntar ken Piddig, ken saggaysa iti ili ti Dumalneg, Nueva Era ken Bacarra.
Gapu iti daytoy, umaboten ti 455 ti aktibo a kaso ditoy probinsya, idinto a 3191 ti pakadagupan a kaso ditoy probinsya.
Umaboten ti 2688 ti recoveries ken nagtalined nga 48 dagiti pimmusay.
Inpasgurado ti gobyerno probinsyal nga amin a pasyente ti COVID-19 agraman dagiti suspected cases ken probable cases ket naadmit kadagiti ospital ken quarantine facilities ken maipapaayan da ti umiso a pannakataming dagitoy.
