LAOAG CITY – Nairekord dagiti 57 a baro a kaso ti COVID-19 ditoy probinsya.
Basar iti gobyerno probinsyal, umabot iti 44 dagiti nagpositibo iti COVID-19 iti ili ti San Nicolas manipud kenni IN-C1072 agingga kenni IN-C1079, IN-C1083 agingga kenni IN-C1091, IN-C1093 agingga kenni IN-C1119.
Agtrabtrabaho dagiti nasao a pasyente kas market vendor, empleyado iti gobyerno, pharmacist, saleslady, pharmacist assistant, market utility worker, food handler, aglaklako iti nateng ken ikan, store owner, para lako, partidor, ken utility worker.
Ti kaubingan a nagpositibo iti nasao nga ili ket agtawen ti 22 a balasang idinto ti kabaketan ket agtawen ti 70.
Innem ket dagiti nagpositibo iti COVID-19 iti ili ti Bacarra, a da IN-C1065 agingga kenni IN-C1069 kenni IN-C1071.
Dua ditoy siudad ti Laoag a da IN-C1081, agtawen ti 72 a baket iti Brgy. 12 kenni IN-C1082 iti Brgy. Bencag.
Saggaysa met iti kaso iti ili Pagudpud a ni IN-C1063, baro, agtawen ti 24, iti Brgy. Baduang, LSI manipud iti Pasig City; IN-C1064, babai, agtawen ti 29, iti Brgy. Ablano iti ili ti Dingras, LSI mainpud Pasig City; IN-C1070, lalaki, agtawen ti 31, iti Brgy. Pagsanahan Norte iti ili ti Badoc; IN-C1080, lalaki, agtawen ti 32, health care worker, iti Brgy. Barani iti siudad ti Batac; kenni IN-C1092, babai, agtawen ti 53, vegetable vendor ken residente iti Brgy. 7 iti ili ti Sarrat.
Manipud iti 57 a baro a kaso, 10 kadagitoy ti symptomatic wenno addaan iti sintomas iti COVID-19 kas kada IN-C1065, IN-C1066, IN-C1069, IN-C1071, IN-C1073, IN-C1076, IN-C1083, IN-C1087, IN-C1095, kenni IN-C1107.
Umaboten iti 1119 ti pakadagupan ti kaso iti COVID-19, nga addaan iti 191 active cases, 920 dagiti recoveries kalpasan a nalaingan dagiti 19 a pasyente ken nagtalinaed a walo dagiti pimmusay.
