LAOAG CITY – Kinumpirmaran ni Major Roxanne Parado, mangidadaulo ti emergency operation center for covid-19 ditoy probinsya nga agarup 57 dagiti nahire a contact tracers ditoy probinsya babaen ti Department of the Interior and Local Govenrment (DILG) ken ti gobierno probinsyal.
Segun ken ni Parado, nangrugi laeng ita a bolan ti trabaho dagiti naala a contact tracers.
Kuna na a kaaduan kadagitoy ket datin a naserbi kas contact tracers itay napan a tawen.
Inbatad na a nu iti kallabes ket nasurok 20 dagiti agpapaay a contact tracers ditoy siudad ti Laoag, napagbalin laengen a 11.
Inlawlawag na a dagiti dadduma ket naideploy kadagiti bukod da nga ili tapno nu bilang adda ti agpositibo ti covid-19 adda dagiti nakasagana a mangiyuswat ti contact tracing.
Nu pay kasta, kuna na nga adda dagiti LGU nga awan ti nai-deploy a contact tracers kas iti Adams ken Carasi agsipod ta awan unay ti kaso ti covid-19 kadagitoy.
Kabayatanna, innayun ni Parado a nu bilang adda ti agpositibo kadagiti ili nga awanan ti contact tracers ket nakasagana dagitoy a ma-augment.
Maipalagip a 185 a contact tracers ti na-hire ditoy probinsya a naideploy kadagiti nagduduma nga ili tapno agserbi kas contact tracers.
