LAOAG CITY – Inrakurak ni US President Donald Trump nga addan ti $5 bilyon wenno katukad ti P289-bilyon a pisos bilyon ti naikari a pondo ti bwinangay na a “Board of Peace” para iti ibabangon manen ti Gaza, malaksid pay kadagiti rinibo a tattao a madutukan para iti international stabilization ken police forces iti nasao a teritoryo.
Segun ken ni Trump, pormal a mairakurak dagiti naikari a tulong iti umuna panagtataripnong ti board iti Washington intono huwebes.
Nupay kasta, saan a dinakamat ni Trump no ania a pagilian dagiti nangipaay ti pondo.
Kabayatanna, inbatad ti Indonesia a mabalin a mangdutuk iti agingga ti 8,000 a soldado da kas paset ti humanitarian ken peace mission iti Gaza, ti umuna a konkreto a commitment a naawat ti administrasyon.
Basar iti United Nations, World Bank, ken European Union, mapatta-patta nga umabot iti $70 bilyon ti kasapulan para iti pakabuklan a reconstruction ti Gaza kalpasan ti nasurok a dua a tawen a gubat iti nagbaetan ti Israel ken Hamas.
