LAOAG CITY – Madanagan ita ti United Nations AIDS agency ti posibilidad a ngumato pay ti bilang dagiti matmatay nga indibidual gapu iti Human Immunodeficiency Virus ken Acquired Immunodeficiency Syndrome.
Basar iti United Nations agency, basar iti datosda ket mabalin a ngumato daytoy agingga iti sumurok 6 a milyon nga indibidual iti uneg ti sumaruno nga uppat a tawen.
Daytoy ket no bilang saan nga agbaliw ti desision ni United States President Donald Trump ken agtalinaed ti takderna nga ikkaten ti amin a global funding para iti programa.
Kangrunaan a maapektaran iti daytoy a desision ni Trump ti masakbayan dagiti treatment programs ti United Nations Acquired Immunodeficiency Syndrome.
Basar iti datos, dumanon iti milyon a dolyar ti on hold ita iti uneg ti 90 nga aldaw maiyallubog iti direktiba ni United States President Trump.
Naammoan a ti nasao a bilang a mabalin a matay gapu iti Acquired Immunodeficiency Syndrome ket katukad ti 400% a panagngato.
Immunan nga inbatad ti Trump administration a naiget a dumaldalan ti pannakatingiting kadagiti amin a foreign-aid programs iti babaen ti “America First” policy nga ipatpatungpalna.
