LAOAG CITY – Umabot iti innem a tattao ti natay kalpasan a rimmaot ti maysa nga armado a lalaki iti pagnanaedan dagiti nataengan idiay Croatia.
Basar iti report, bigla lattan a simrek ti suspek iti nursing home ken nagpalto-paltog.
Malaksid kadagiti natay ket adda pay ti innem a sabsabali a nasugatan iti insidente.
Kinumpirmaran ni Croatian police chief Nikola Milina a lima kadagiti natay ket residente iti nursing home idinto a ti maysa ket empleado iti pasilidad.
Nagtalapwagaw a dagus ti suspek kalpasan ti pammaltog ngem natiliw metlaeng dagiti otoridad.
