LAOAG CITY – Nabirokan dagiti otoridad ti innem a biktima manipud iti pito a bilang dagiti naglugan iti helicopter a nagsuek iti paset ti Kauai, Hawaii.
Daytoy ti kinumpirmaran ni Bombo International Correspondent Manny Pascua.
Kuna na a saan pay nga inparuk-at dagiti otoridad ti pakabigbigan dagiti narekobre a bangkat dagiti biktima.
Inbatad ni Pascua a naipan dagiti bangkay iti Wilcox Medical Center.
Saan pay a masinunuo dagiti otoridad iti makagapu ti panagsuek ti helicopter a kukua ti Sarafi maysa a Tourist Company.
Sakbay ti nakaam-ames a pasamak ket mapaspasaran da iti saan a napintas ti panniempo iti nasao a lugar.
