LAOAG CITY – Natay dagiti innem nga indibidual kalpasan a pinaltu-paltoganda idiay Oman.
Basar iti Royal Oman Police a napasamak ti insidente nga asideg iti mosque iti Wadi al-Kabir region.
Karaman ti maysa a pulis ti pimmusay idinto a sumurok 20 a tattao ti nasugatan nga aggapu pay kadagiti nagduduma a pagilian.
Napatay met dagiti nagresponde a kapulisan dagiti suspek nga adda iti likud ti pammaltog.
Kinumpirmaran ti Ministry of Foreign Affairs ti Pakistan nga uppat kadagiti biktima ti kailianda idinto a 30 dagiti Pakistani ti nasugatan.
Napalaos met a maladingitan ni Pakistani Prime Minister Shehbaz Sharif iti napasamak ken inawaganna daytoy kas maysa a terror attack.
Agtultuloy ti maiwaywayat nga imbestigasion dagiti kapulisan iti nasao nga insidente.
