LAOAG CITY – Adda ti innem nga indibidual a pimmusay idinto a nasurok a maysa dosena a sabsabali dagiti nasugatan iti panangipabanto ti Russia ti missile iti ciudad ti Kharkiv iti Ukraine.
Malaksid kadagiti natay ken nasugatan ket adda pay ti dua nga indibidual a nagtalinaed a mapukpukaw kalpasan ti insidente.
Basar iti report, namin-15 a daras nga inatake ti Russia ti Kharkiv a maikadwa a kadakkelan a ciudad ti Ukraine.
Mainaig iti daytoy, inpakaammo ti state railway company iti Ukraine a sumagmamano kadagiti pasilidad da ket nadadael ken adda dagiti empleado da a nasugatan iti insidente.
Kabayatanna, inpetteng ni Ukrainian President Volodymyr Zelensky a ti panagatake ti Russia iti Kharkiv ket mangipakpakita a gungudawayan ti nasao a pagilyan ti kinakurang ti air defense ti Ukraine.
