LAOAG CITY – Dinarusdus ti 6-wheeler truck dagiti tallo a lugan a sarsarunwen na bayat nga adda da iti paset ti Brgy. Nalbo ditoy ciudad ti Laoag.
Nabigbig ti driver ti 6-wheeler truck a ni Dennis Garan, ken ti dinungpar na ket dua a lugan ti Telecommunications Company ken 6-wheeler truck Provincial Government of Ilocos Norte- Environment and Natural Resources Office (PGIN ENRO).
Basar iti inisyal nga imbestigasion, agpalaud ti 6-wheeler truck nga inturong ni Garan idi maipagarop a napukawan ti preno a rason ti pannangdarusdos na kadagiti tallo a sarsarunwen na a behikulo.
Iti laksid daytoy, saan met a naan-ano dagiti driver ti uppat a lugan.
