LAOAG CITY – Umabot pay iti 60 a barangay ti saan a naideklara kas drug cleared ditoy ciudad ti Laoag.
Daytoy ti inbatad ni Mrs. Janette Duarte, ti mangidadaulo iti Department of Interior and Local Government (DILG) ditoy ciudad.
Inlawlawag na a maysa a makaigapu ket ti saan a panagat-atendar dagiti drug surrenderee iti Community-Based Rehabilitation Program (CBRP).
Segun kenkuana, adda dagiti mapan agatendar a drug surrenderee iti nasao a programa ngem saan dan nga agsubsubli.
Inlawlawag pay ni Duarte a nasurok nga 400 koma dagiti kasapulan nga agatedar a drug surrrenderee ngem agarop 300 laeng dagiti napan ken sumagmamano pay kadagitoy ket saan da nga inleppas ti nasao a programa.
Maipalagip a ti Community-Based Rehabilitation Program (CBRP) ti maysa kadagiti rumbeng a dalanan dagiti drug surrenderee iti maysa a barangay tapno maideklara a drug cleared daytoy.
