LAOAG CITY – Manamnama a maiserbi ti 60-day preventive suspension kontra ken ni Mayor Alfredo Valdez iti ili ti San Nicolas.
Daytoy ti inrakurak ni Governor Matthew Marcos-Manotoc kabayatan ti insayangkat na a virtual press conference.
Inbaga na a pinirmaan nan ti rekomendasyon ti Sang Panlalawigan para iti pannakaipataw ti preventive suspension kontra ken ni Mayor Valdez.
Kabayatanna, inbatad ti gobernador a saanna pay a napirmaan ti rekomendasyon ti Sang Panlalawigan para met iti pannakaipataw ti preventive suspension kontra ken ni Vice Mayor Francis Espiritu iti ili ti Dumalneg.
Inpakaammo na a saan na pay a naawat ti rekomendasyon ti Sang Panlalawigan para iti pannakaipataw ti 60-day preventive suspension kontra iti bise mayor iti ili ti Dumalneg.
Inlawlawg ni Manotoc a ti pannakaipataw ti preventive suspension kadagiti nasao nga opisyal ket saanna a kayat a sawen a guilty dagitoy iti akusasyon kadakuada no di ket para iti pormal a pannakaiwayat ti imbestigasyon.
Innayon na a respetaren na met ti nagbalin a rekomendasyon ti Sang Panlalawigan.
