LAOAG CITY – Epektibo ita a lawas ken agpaot iti 60 nga aldaw ti price freeze ditoy Ilocos Norte.
Daytoy ti inpakaammo ni Mr. Dominador Alberto iti Consumer Protection Division ti Department of Trade and Industry.
Kuna ni Alberto a daytoy ket gapu iti pannakaideklara ti State of Local Health Emergency gubuay ti outbreak ti rabies cases ditoy probinsya.
Inpakaammo ni Alberto a ti karaman iti price freeze ket dagiti basic necessities kas kadagiti delata, kape, gatas, tinapay, sabon ken dadduma pay a kasapulan iti uneg ti pagtaengan malaksid iti prime commodities.
Inbatad na a ti kangrunaan a mangsurot ti price freeze ket dagiti pagtagilakoan a mangipatpatungpal ti suggested retail price.
Immuna iti daytoy, inbatad ni Alberto a nu adda ti matakuatan a nalabes ti presyo a pannakailako dagiti produkto kabayatan ti pannakaipatungpal ti price freeze ket maimbestigar ken posible a mapatawan ti pannusa.
Inlawlawag na a nu naipan iti state of emergency ti maysa a lugar ket rumbeng nga adda ti price freeze dagus a masurot daytoy kas naiyataday iti paglintegan ti departamento.
