LAOAG CITY – Inrakurak ni Mr. Hipolito Salva, mangidadaulo ti City Sports and Development Office nga agarup 63 nga atleta manipud iti Department of Education – Schools Division Office ditoy siudad ti Laoag ti makibinnalubal iti 2025 Palarong Pambansa.
Inbatadna a dagiti nasao nga umaayam ket naka-in house sipod idi Abril 21 agingga inton Mayo 21 no sadinno maysa a bulan ti panagsanay dagitoy para iti Palarong Pambansa.
Kunana a kadua dagiti atleta dagiti DepEd trainers pakairamanan dagiti national trainers tapno mamonitor dagitoy a naimbag para iti panagsagsaganada sumagmamano nga aldaw sakbay ti pannakaisayangkat ti naindaklan nga aktibidad.
Inlawlawagna a dagiti pakisalipan dagitoy ket ti wushu, wrestling, taekwondo, gymnastics, arnis, footsal, football, lawn tennis ken swimming.
Mangnamnama ni Salva nga agballigi dagiti pambato nga atleta kadagiti nagduduma a tay-ak ti ay-ayam.
