LAOAG CITY – Naggigiddan a kinablaawan dagiti kameng ti Philippine National Police (PNP) ditoy locos Norte ni Presidente Rodrigo Duterte para iti maika-74 a panagkasangay na iti panangidaulo ni PNP Chief Oscar Albayalde.
Ni Albayalde ket nagturong ditoy Ilocos Norte tapno personal a kitaen na ti sitwasyon ti probinsya para iti eleksyon.
Segun ken ni Albayalde, gagem da nga agtalinaed a nasalun-at ti presidente ken agbiag pay ti napaot.
Inpasingked ni Albayalde ti suporta ti PNP iti presidente kadagiti amin nga adbokasya na ken ti kampanya na kontra iti illegal a droga, kriminalidad ken korapsyon.
