LAOAG CITY – Kinumpirmaran ni Barangay Chairman Jorge Ragunjan iti Barangay Caroan, Pasuquin, Ilocos Norte ti pannakaiyuswat manen ti “Bangkaton race” kas paset ti panag-fiesta ti nasao a barangay.
Segun ken ni Ragunjan, maiyuswat ti nasao nga aktibidad intono Abril 24 ken umabot laeng iti dua a kilometro ti kaadayo ti paglikawan dagiti maseknan.
Malaksid ti bangkaton race ket adda pay dagiti dadduma nga iyuswat da nga aktibidad a pakaukkunan da ti pondo kas iti lumba ti service a bilog ken dadduma pay.
Innayon na a nawaya ti siasinno man a kayat na ti mapan makisalip uray sadinno pay a lugar ti paggapwan da.
Inpakaammo ti kapitan a ti atiwen ti 1st prize ket motorsiklo, 2nd prize 15 ribo a pisos ken 10 ribo a pisos ti maiyawid ti 3rd prize.
