LAOAG CITY – Insigida a nagtignay ti Ilocos Norte Electric Cooperative (INEC) a nangtarimaan kadagiti nadadael a linya ti kuryente kalpasan a naipakaammo kadakuada.
Segun ken ni Mr. Noel Andres, Public Infromation Officer ti INEC, insigida a nagtignay agiti kakadua da a nangtarimaan kadagiti napugsat a linyat ti kuryente kalpasan a naruay a reklamo ti dimanon ditoy Bombo Radyo.
Inlawlawag na a no apay a nagpukaw ti serbisyo ti kuryente manipud iti ili ti Bacarra agingga iti ili ti Pagudpud ket gapu ta natupakan ti poste ti kuryente ti 69 KV line manipud NGCP a kumamang iti substation da iti ili ti Burgos.
Idinto a ti rason a nagpukaw met ti serbisyo ti kuryente manipud ditoy ciudad ti laoag agpadaya agingga iti ili ti Dingras ken iti ili ti Solsona ket gapu ta napugsat ti 69 KV line iti Marcos -Tanggaoan Substation gapu iti kapigsa ti angin.
Kuna ni Andres nga iti agdama, ket naisublin ti normal a serbisyo ti kuryente kadagiti lugar a nagpukawan na itay parbangon.
