LAOAG CITY – Nagballigi dagiti otoridad a nangtiliw ti maibilang a Top 1 Most Wanted Person ditoy probinsya.
Ti akusado nga agtawen ti 55, awanan ti asawa, self-employed ken natiliw a mismo iti pagtaengan na iti Barangay Susugaen iti ili ti Pasuquin.
Natiliw ti akusado babaen ti bileg ti warrant of arrest nga inparuk-at ti Municipal Trial Court in Cities, First Judicial Region, Branch 2 ditoy ciudad ti Laoag gapu iti kaso na a 11 a counts ti estafa.
Nairekomendar ti 36 a ribo a pisos iti kada kaso ti akusado para iti temporaryo a pannakawaya-waya na.
