Inbatad ni Department of Migrant Workers (DMW) Secretary Hans Leo Cacdac a ankasagana ti pagilian nga i-repatriate dagiti Overseas Filipino Workers (OFW) iti Taiwan no bilang kumaro ti tension kontra China.
Segun kenkuana, kanayon a makikontak ti ahensia kadagiti maseknan nga ahensia ti gobierno.
Malaksid iti daytoy, nagkedked ti sekretario a mangipalgak iti kanayonan a detalye no kasano ti pannakaisubli dagiti nasurok a 150,000 nga Overseas Filipino Workers iti Taiwan gapu iti kinasensitibo ti nasao a banag.
Nupay kasta, impanamnama ti opisyal nga adda contingency plan para iti panagbakwit dagiti Overseas Filipino Workers, nangruna iti kastoy a self-ruled island.
Inpakaammona a nailasin metten ti gobierno ti convergence points tapno maiyeg dagiti Pilipino iti Taiwan iti natalged a lugar no bilang kasapulan ti repatriation.
Innayonna a nangilanad ti Taiwanese government kadagiti safety measures ken facilities no bilang kumaro ti tension.
Kabayatanna, inaramid ti Department of Migrant Workers chief ti statement kalpasan nga inwayat ti China ti 2 nga aldaw a military drills iti Taiwan Strait tapno masubok ti abilidadda a mangagaw iti turay.
