LAOAG CITY – Inruaren ni Jamie Rivera ti baro nga inspirational song na a “Ningas ng Pag-asa”, ti Filipino a bersion ti official hymn ti Jubilee 2025 a napauluan iti Pilgrims of Hope.
Insurat ni Maestro Francesco Sequeri ti Pilgrims of Hope nga isu ti tema ti The Jubilee 2025 a kadawyan a rambakan ti Iglesia Katolika iti tunggal 25 a tawen.
Ni Jamie ti nangputar iti bersion a Tagalog a nairuar babaen ti Inspire Music label ti Kapamilya Network.
Sakbay ti “Ningas ng Pag-asa”, ket naruay dagiti kanta ni Jamie a nakaawat ti pammadayaw a gapu ta maka-inspirar kadagiti Pilipino.
Karaman kadagitoy ti Only Selfless Love, Tanging Yaman, We Are All God’s Children, ken dadduma pay.
Idi napan a tawen, inruarna met dagiti collaboration singles a 3 in 1 ken Faith, Hope, and Love.
Kabayatanna, mangngegan ti “Ningas ng Pagasa” kadagiti nagduduma a music streaming platforms.
