LAOAG CITY – Naitaray iti ospital dagiti pito a gangannaet iti Fiji kalpasan a maipagarop a nasabidungan da manipod iti ininom da a pina-coladas iti five-star resort’s bar.
Basar iti report, lima kadagiti biktima ket manipod iti Australia idinto a ti maysa ket taga Estados Unidos ken ti dua ket gangannaet nga agnanaed ii Fiji a dagitoy ket agtawen ti 18 agingga iti 56.
Immunan a naireport a kaadoan kadagiti gangannaet ket kritikal ti kondisyon da, ngem kalpasan ti naan-anay a pannakataming da iti ospital ket sumaysayaaten ti kasasaad da.
Napasamak ti insidente, sumagmamano a lawas kalpasan ti pannakatay ti innem a turista iti Laos gapu iti maipagarop a methanol poisoning.
