LAOAG CITY – Naikkat iti puwesto ti pito a pulis kalpasan a naakusaran dagitoy a nagdawat ti “kickbacks”.
Nangrugi ti akusasyon iti maipagarop a panagdawat dagiti pulis iti providers ti temporary lodging para kadagiti pulis a dumaldalan ti field training iti Cordillera Administrative Region (CAR).
Inbatad ni Philippine National Police Training Service director Brig. Gen. Rolindo Suguilon a dagiti nairaman a pulis ket maysa colonel, major, lieutenant, master sergeant ken tallo a patrolmen.
Dagiti saanen a nainaganan a kameng ti nailian a pulisya ket naka-assign da iti Regional Special Training Unit (RSTU) sa CAR.
Inpasingked ni Suguilon a saan da a kunsintiren ti saan a nainkalintegan ken saan a maiparbeng nga aramid dagiti kameng ti PNP.
Tumuklas pa
Balita sa Radyo
