LAOAG CITY – Natay dagiti pito a tattao kalpasan ti missile strike ti Russia iti Dnipropetrovsk region ti Ukraine.
Naruay dagiti pagtaengan ken establishimento dagiti nadadael iti Synelnykove ken Dnipro city.
Karaman kadagiti pimmusay ket dagiti dua nga ubbing.
Agtultuloy ti panangbirok dagiti otoridad kadagiti sumagmamano a biktima a mabalin a nagaburan gapu kadagiti narpuog a pasdek.
Inbatad ni Ukrainian President President Volodymyr Zelensky a gapu iti panangraut ket napateg a maaddaanda ti advance air defense.
Daytoy ti umuna a gundaway a napagbagsak ti Ukraine ti strategic long range bomber ti Russia.
