LAOAG CITY – Rumrummuar iti panagadal ti Philippine Dental Association (PDA) a pito iti tunggal sangapulo a Pilipino wenno 72% ti populasion ti addaan ti tooth decay.
Inbatad ni Philippine Dental Association Executive Secretary Sheryl Lantican, basar iti professional a kapadasan ket naruay nga empleado ti saan a makaskastrek iti trabaho gapu ta nasakit ti ngipenda.
Kunana nga iti baet a saan nga ikankano dagiti Pinoy seknan iti daytoy ket maikonsiderar itan a sakit daytoy saan laeng iti lokal no di ket iti intero a lubong.
Nadakamat a dagiti taraon a nasasam-it ken kinakurang iti dental hygiene ti makaigapu iti tooth decay ken periodontal disease.
Maperdi ti ngipen no ti bacteria manipud iti nasam-it ket mailaok iti acid iti ngiwat.
Kabayatanna, 50% wenno lima iti tunggal sangapulo a Pilipino ti makapaspasar ti nagduduma a gum wenno periodontal diseases.
