LAOAG CITY – Inyendorsar dagiti opisyal iti Barangay 16 ditoy ciudad ti Laoag dagiti pito a menor de edad iti Philippine National Police (PNP) a naaktuwan da nga aggiinom iti maysa a balay ti nasao a barangay.
Segun kenni Barangay Kagawad Lolita Lamote iti Barangay 16 ditoy ciudad ti Laoag, adda pay ti nakumpiskar da iti bag kadagiti menor de edad a gillet, sigarilyo ken condom.
Naamoan a karaman kadagiti menor de edad ket uppat a babbai ken tallo a lallaki, dua kadagitoy ket out of school youth idinto a dagiti lima ket estudyante.
Sumagmamano kadagiti menor de edad ket estudyante idinto a dagiti dadduma ket out of school youth.
Kuna pay ti barangay kagawad nga idi agresponde dagiti dadduma a kakadwa na iti balay nga ayan dagiti menor de edad ket naduktalan da a malaksid ti panaggiinom da ket adda pay ti sabali nga ar-aramiden da.
