LAOAG CITY – Nakasangpeten dagiti pito nga Automated Counting Machine a mausar para iti May 12 Midterm Elections iti Buttong Elementary School ditoy siudad ti Laoag.
Segun ken ni Mr. Paulo Tunac, Department of Education Supervisor Officer, balligi a naisayangkat ti Final Testing and Sealing kadagiti pito nga Automated Counting Machine, sumagmamano nga aldaw sakbay ti panagbubutos.
Inbatadna nga awan met dagiti nagbalin a problema kabayatan ti pannakaipadalan iti Final Testing and Sealing dagiti nasao nga Automated Counting Machine.
Innayonna a dagiti pito nga Automated Counting Machine ket mausar kadagiti polling precincts iti Buttong Elementary School a pagbutosan dagiti botante manipud kadagiti uppat a barangay kas ti Barangay Buttong, Barangay Nangalisan-A, Barangay Nangalisan-B ken Barangay Nalbo ditoy siudad ti Laoag.
