LAOAG CITY – Natiliw dagiti pito nga indibidual a pakairamanan ti maysa a barangay kagawad kalpasan a maipagarop a nagsusugal da ti Lucky 9 iti minatayan iti Barangay 6 ditoy ciudad ti Laoag.
Basar iti PNP-Laoag, adda ti naawat da nga impormasyon mainaig iti maipagarop a panagsusugal dagiti suspek iti minatayan iti nasao a barangay.
Iti panagsaresponde dagiti kameng ti pulisya ket ditoy a naaktwaran da ti panagay-ayam ti lucky 9 dagiti suspek.
Nakumpiskar dagiti otoridad iti lugar ti 4,570 a pisos, maysa a set ti baraha, tugtugaw ken lamisaan.
Maisagsaganan ti reklamo nga illegal a panagsusugal kontra kadagiti suspek.
