LAOAG CITY – Natay ti 7 nga indibidual ken 19 pay ti nasugatan gapu iti stampede iti Hindu temple ti dayaen a paset ti Bihar.
Kinuna dagiti otoridad a daytoy ket gapu iti nakapuy a pannakamanehar kadagiti nagatendar ken normal kadagiti dadakkel nga Indian gatherings ken religious festivals.
Daytoy ket napasamak iti Ashok Dham temple iti Bihar state Lakhisara district no sadino a naguummong ti naruay nga umili tapno mangipaay ti panagdayaw iti didiosen dagiti Hindu a ni Shiva.
Mainaig iti daytoy, inbatad ni magistrate Shailendra Kumar a ti natinnag nga electric pole ti rason a kimmaro ti stampede ti uneg ti temple.
Iti agdam, kuna ni Bihar Chief Minister Samrat Choudhary nga adda ti compensation a 400,000 rupees wenno $4,180 a maipaay iti pamilia ti biktima.
Daytoy ti maysa kadagiti kadakkelan nga stampede idiay India.
