LAOAG CITY – Inbatad ni Representative France Castro, miembro ti ACT Teachers Partylist a 7 out of 10 ti rating na iti naaramidan ti Presidente Ferdinand Bongbong Marcos Jr. iti umuna a 100 nga aldaw na iti opisina.
Kuna na a nu pay adda dagiti target ni Marcos kas iti pananglaban ti inflation, unemployment, income status, foreign currency ken dadduma pay ket masapol koma nga al-alisto ti panangsolbar na kadagitoy.
Inpetteng na a masapol a tutokan ti presidente ti learning gaps, kasapulan dagiti agad-addal pakairamanan dagiti mangisursuro a kas iti pannakaipangato ti sweldo dagitoy.
Immuna iti daytoy, inlawlawag ni Castro nga adda ti nagduduma nga opinyon ti publiko ken saan na a malappeddan.
Nu pay kasta, kuna na a napateg nga adda ti direksyon ti plano ti agdama nga adminitrasyon ken maidatag a nasayaat dagiti nasken a solusyon kadagiti nagduduma a problema ti Pilipinas.
