LAOAG CITY – Dumanon iti 70 nga indibidual ti nasugatan iti inwayat nga airstrike ti Russia kadagiti pagtaengan ti Sumy City idiay Ukraine.
Ti nasao a panangraut ket kagiddan ti maisaysayangkat a panagsarita ti pannakabagi ti Russia ken Estados Unidos a naiwayat idiay Saudi Arabia.
Iti nasao nga airstrike ket dumanon iti 14 nga ubbing ti karaman a nasugatan.
Depensa met ti Russia a bimmalesda laeng iti inwayat a drone attack ti Ukraine iti Belgorod gas distribution station-da.
Inakusaran pay ti Russia ti Ukraine a ginandatda a rauten ti Glebovskoye gas condensate field iti Crimea ngem nalappedan daytoy ti Russian air defense.
Kinumpirmaran ti White House a maaddaan manen ti panagsarita ti pannakabagi iti pagilianda ken ti Ukraine a maiyuswat met daytoy idiay Saudi Arabia.
