LAOAG CITY – Nakairekord ti Department of Health (DOH) ti 71 a kaso ti acute stroke manipud idi Disiembre 21 agingga inton Disiembre 27 kas paset ti panagbantay iti panawen ti holiday season.
Inburay ni Department of Health Assistant Secretary ken Spokesperson Albert Domingo ti datos a naala ket manipud iti sentinel hospitals.
Inbatadna nga 41 ti nakapasar ti acute coronary syndrome ken 46 ti asthma.
Inabisoan ni Domingo ti publiko a liklikan ti taraon ken panaginom a mabalin a mangitunda ti panagngato ti peggad ti stroke ken heart attack.
Para iti bronchial asthma, nagballaag ni Domingo a dagiti kaso ket posible a ngumato iti bisperas ti baro a tawen gapu kadagiti paputok ken pulbura.
Binallaaganna dagiti asthma patients a kitaen dagiti inhalers-da no adda ti nagianna ken agop-operar.
Nagballaag ti Department of Health kontra iti holiday heart syndrome a mangitunda ti adu a panagkonsumo ti arak, stress ken saan a nasalun-at a taraon a posible a mangitunda ti panangato magpataas ti presyon ti dara ken mang-trigger ti arrhythmia a maysa a narisgo a mangitunda ti stroke.
