LAOAG CITY – Umaboten iti 71 a Local Government Units ditoy Rehiyon Uno ti addaan iti sanitary landfill iti kadagupan ti 125 a Local Government Units ditoy Rehiyon Uno.
Segun kenni Engr. Maria Dorica Naz–Hipe Regional Director iti Department of Environment and Natural Resources-Environmental Management Bureau (DENR-EMB) a dagiti nasao nga sanitary landfill ket addaan iti environmental certificate compliance ken kanayonda a mamon-monitor.
Inlawlawagna a dagiti awan ti sanitary landfill na ket makitultulagda kadagiti addaan ti nalalawa nga sanitary landfill nga isu ti pangipananda kadagiti basurada.
Kinunana, a ti rason nu apay nga awan sanitary landfill na dagiti dadduma ket gapu ta awan ti pangipananda wenno pangipuestoan da kadagitoy, kas koma ti sitwasyon iti Probinsya ti Ilocos Sur a saanda a ma-meet dagiti criteria kangrunaan ti kinalawa ti lugar.
Kabayatanna, inbatadna ni Engr. Naz–Hipe a gutgutigutenna dagiti dadduma nga local government unit nga agusar kadagiti machine a mangpabassit kadagiti basura kas koma kadagiti crasher para kadagiti mabuong a basura, panag-recycle kadagiti plastic ken dadduma pay.
