LAOAG CITY – Inpannakkel ni Senate President Chiz Escudero nga umabot iti 72 a singasing ti agbalin a linteg sakbay ti panagngudo ti tawen 2024.
Manipud idi panangrugi ti maikatlo a regular session ti maika-19 a Kongreso idi Hulio 23, 2024 agingga iti pannakaitantan ti sesion idi Disiembre 18, 2024, inpasa ti Senado ti 108 a singasing, 72 a gakat manipud kadagitoy ti naan-anay a naipaulog ken 11 kadagitoy ket LEDAC priority measures.
Segun kenni Escudero, inkagumaanda a ma-maximize ti tunggal oras iti session tapno maaprobaran dagiti singasing.
Innayon ni Escudero a kaaduan kadagiti naipaulog a singasing ket resulta ken rekomendasion dagiti hearing ken imbestigasion ti upper house ken saan a tsismis laeng.
Gapu iti daytoy, inpasigurado ti Senate President a nga amin dagitoy ket nagdalan iti naan-anay a panagpanunot ken panagdedebate sakbay a naipasa.
