LAOAG CITY – Maiyur-uray ti 72 nga oras kasanguanan a maibaga nga addan ti natalged a kasasaad ni Atty. Jason Bader Perera iti Bgy. 6 ditoy ciudad ti laoag, kalpasan ti operasyon idi Sabado.
Inbatad daytoy ni Dr. Roger Braceros, chief of Hospital ti Gov. Roque Abalan Sr. Hospital a pakatamtamingan ti abogado.
Segun ken ni Braceros, ado dagiti nataman a paset ti organ na rason a kapilitan nga adda da dagiti inikkat da tapno saan nga ag-impeksiyon a daytoy ti naiget a sipsiputan da.
Kuna na a kalpasan 72 nga oras ket napintas laeng ti kasasaad na ket mabalinton nga iyakar da manipud iti agdama nga ayan a recovery room ket maipanton iti ward a pagpaimbagan na.
Maipalagip a pinaltupaltugan da ti abogado bayat nga adda isuna iti asideg ti opisina na ken balay da idi sardam ti Sabado a nagsagabaan na ti dua a tama ti paltog iti bukot na.
