LAOAG CITY – Nadismaya ni Presidente Ferdinand Marcos Jr., kadagiti nadiskubre na a problema kadagiti flood control projects iti Bulacan.
Daytoy ket kalpasan ti panangiyuswat ni Presidente Marcos ti inspeksyon partikular iti Calumpit ken Barangay Frances.
Iti nagbalin nga assessment ti presidente, dinakamat na dagiti buttaw a dike a rumbeng koma a buo para iti kinaatiddog ti proyekto.
Inpetteng pay ti presidente a kasayaatan no mapan iti lugar ti contractor tapno makita no kasanu ti kinarigat ti panagbiag nga inpaay da kadagiti umili nga apektado iti proyekto.
Nakita pay ti presidente nga agarop 200 a metro ti revetment ti proyekto ti saan pay a nalpas idinto a naikabil iti report ti proyekto a nakumpleton daytoy.
Gapu kadagiti nakita a problema ti presidente iti River Protection Structure iti Calumpit, Bulacan ket pagpalawagen ti gobierno ti St. Timothy Construction Corporation.
Ti St. Timothy Construction Corporation, maysa kadagiti Top 3 contractors iti 15 a kumpanya a nakaala ti kaadoan a flood control project contract iti gobierno.
Naamoan a ti rehabilitation ti River Protection Structure ket agbalor ti P96.4 million.
