LAOAG CITY – Nalaingan dagiti 74 a pasyente a naakaran ken nagsagaba ti sintomas wenno symtomatic gapu iti COVID-19 ditoy probinsya.
Segun ti gobyerno probinsyal, umaboten iti 2532 ti bilang dagiti nalaingan manipud iti nasao a virus idinto a nagtalinaed nga 40 ti bilang dagiti natay.
Mainaig iti daytoy, 19 ti nairekord a baro a kaso ti COVID-19 rason nga umaboten iti 2901 total cases
Manipud kadagiti baro a kaso, pito ti baro a kaso iti ili ti San Nicolas, ken agpapada nga uppat ti baro a kaso iti ili ti Bacarra, Dingras ken ditoy siudad ti Laoag.
Iti biang ti aktibo a kaso, umaboten iti 117 ti aktibo a kaso ditoy siudad, 53 iti ili ti Bacarra, 28 iti ili ti San Nicolas, 22 iti Vintar, agpada a 14 iti siudad ti Batac ken Bangui, 13 iti Dingras, agpada a 12 iti ili ti Badoc ken Solsona, agpapada a pito ti aktibo a kaso iti Adams, Pagudpud, Pasuquin, Marcos ken Paoay.
Agpapada met a sagdudua ti aktibo a kaso iti Burgos, Dumalneg, Piddig, ken Currimao idinto a maysa laengen ti aktibo a kaso iti ili ti Sarrat.
Agpapan maisurat daytoy a damag, awan ti aktibo a kaso iti Carasi, Banna, Nueva Era ken iti ili ti Pinili.
