LAOAG CITY – Umabot ti 8 a tattao dagiti natay idinto a nasurok a 100 dagiti naitaray iti ospital kalpasan a nasabidungan da iti ininom da a lambanog idiay probinsya ti Laguna.
Gapu iti daytoy, temporaryo nga inpawil ni Gov. Ramil Hernandez ti panaglako ti lambanog iti nasao a probinsya.
Inlawlawag ti gobernador a maipawil pay laeng ti aglako ti lambanog iti probinsya kabayatan ti panagimbestigar dagiti otoridad iti pannakasabidong dagiti naruay a residente iti Rizal.
Indanun a dagus ti gobernador ti pannakipagladingit na iti pamilya dagiti pimmusay ken mangnamnama a makarekobre a dagus dagiti adda iti ospital.
Inpasingked pay ti gobernador a nakasagana a tumulong kadagiti biktima a nasabidungan ti ininom da a lambanog.
