LAOAG CITY – Inpakaammo ti Provincial Health Office nga addan ti walo a pakabuklan a firecracker related injuries ditoy probinsia iti oras ti ala-sais ti rabii iti Enero 1, 2025.
Basar iti datos, maysa ti indibidual a naputukan ti paputok manipud iti Banna, Bacarra, Piddig, Pinili ken dua nga indibidual manipud iti Dingras ken San Nicolas.
Mainaig iti daytoy, agtawen ti 16, lalaki ti naputokan ti paputok a five star iti ili ti Banna, agtawen ti 8, lalaki ti naputukan ti Luces iti ili ti Bacarra, agtawen ti 13, lalaki ti naputakan ti paputok a bawang iti ili ti Piddig, idinto nga agtawen ti 25, lalaki ti naputokan ti paputok a fountain iti ili ti Pinili.
Pakairamanan ti agtawen ti 42, babai ti naputokan ti roman candle ken 28, babai ti naputukan ti kwitis nga agpada a manipud iti ili ti Dingras, agtawen ti 10, lalaki ti naputokan gapu iti fireworks powder ken agtawen ti 7, lalaki gapu met iti boga nga agpada a manipud iti ili ti San Nicolas.
Kabayatanna, sumagmamano kadagitoy ket nagtalinaed pay laeng iti balay pagaasan para iti naan-anay a pannakataming da.
